Նաիրա Զոհրաբյան. ԲՀԿ-ն անակնկալներ չի մատուցելու

Փետրվարին անցկացվելու է «Բարգավաճ Հայաստան» կուսակցության 5-րդ համագումարը: Եվ ԲՀԿ-ականները որեւէ անկնկալ չեն մատուցելու հասարակությանը:

«Անակնկալներ չեն լինելու, ես նախապես կանխում եմ առաջիկա երկու շաբաթում մամուլի որոշ միջոցների հետագա ինքնաերեւակայության դրսեւորումները: Որեւէ անակնկալ, որեւէ հայտարարություն, որեւէ սենսացիա չի լինելու»,- այսօր ասուլիսի ժամանակ ասաց ԱԺ ԲՀԿ խմբակցության պատգամավոր Նաիրա Զոհրաբյանը:

ԲՀԿ-ՀՀԿ հակասական խմորումների մասին Նաիրա Զոհրաբյանն ասաց, որ հարցի պատասխանը բազմիցս տվել է ԲՀԿ նախագահ Գագիկ Ծառուկյանը, եւ ինքն ավելացնելու ոչինչ չունի: Եվ թե որքան էլ մամուլը «թեժացնի» թեման, իրենց ասելիքը չի փոխվելու: