|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Եթե ՀՀ նախագահի հարցազրույցում իրապես կան մեսիջներ, որ այս կառավարությունը փայլուն է աշխատել, եւ այս վարչապետը պետք է շարունակի պաշտոնավարել, ապա սա հերթական աղետն է լինելու Հայաստանի համար, որովհետեւ այս կառավարությունն` այս վարչապետով, երկիրը տարել է փակուղի. ԱԺ-ում լրագրողների հետ հանդիպման ժամանակ հայտարարեց ԱԺ ԲՀԿ խմբակցության քարտուղար Նաիրա Զոհրաբյանը:
Դիտարկմանն ի պատասխան` բայց չէ՞ որ կառավարությունն ապահովել է 7 տոկոսանոց տնտեսական աճը, Զոհրաբյանը հորդորեց թվերից ձերբազատվել եւ խոսել փաստերով: «Եթե դուք կբերեք ՀՀ որեւէ քաղաքացու, բացի նրանց նեղ շրջանակից, որը կասի, որ ավելի լավ է ապրում, քան երեկ, ապա ես կհամաձայնեմ: Յոթ տոկոսը պետք է արտացոլվի աղքատության կրճատմամբ, որն օրեցօր աճում է: Այստեղ խայտառակ կոնֆլիկտ կա հայտարարված փուչիկ թվերի եւ իրականության միջեւ»,- նշեց պատգամավորը: