Կիպրոսում Հայոց ցեղասպանության ժխտումը քրեականացնող օրինագիծ են մշակել

Կիպրոսի Հանրապետության քաղաքական կուսակցությունները Հայոց ցեղասպանության չճանաչման կամ ժխտման քրեականացմանն ուղղված օրինագիծ են մշակել. տեղեկացնում է թուրքական Hurriyet-ը:

Օրինագիծը պատիժներ է նախատեսում ցեղասպանությունը, պատերազմական հանցագործություններն ու մարդկության դեմ կատարված հանցագործությունները չճանաչողների համար: Նշվում է, որ օրինագիծն առաջարկվում է ընդունել Հայոց ցեղասպանության 100-­ամյա տարելիցի կապակցությամբ:

Թուրքական կայքը նշում է, որ Կիպրոսի Հանրապետությունը ճանաչել է Հայոց ցեղասպանության իրողությունը:

Ակնկալվում է, որ Կիպրոսի խորհրդարանը օրինագիծը օրակարգ կմտցնի ընթացիկ շաբաթվա ընթացքում: