Մտածում են` զինանշանի վրա գազանն ու գիշատիչն ինչքան շատ, այնքան լավ. Լևոն Թոքմաջյան

Ստից-մտից խոսակցություններ են. հիմա ի՞նչ, ամեն ինչ թողնենք` ընկնենք զինանշան փոխելու հետևի՞ց. լրագրողների հետ հանդիպման ժամանակ ասաց գեղանկարիչ, քանդակագործ Լևոն Թոքմաջյանը: Նրա կարծիքով` եթե այսպես շարունակվի` լինելու են մարդիկ, որ մի օր էլ ուզելու են Մաշտոցի գրերը փոխել: Ըստ քանդակագործի` եթե զինանշան պետք է փոխենք, ուրեմն ամբողջությամբ նոր մի բան պետք է լինի, ոչ թե եղածը «վերանորոգենք»:

«Եղածը կարկատան անելը սխալ է, պետք է պարզ ու հասարակ մի բան անել, քանի որ զինանշանը ժողովրդի էությունը պետք է արտահայտի, ոչ թե` ինչքան գազանն ու գիշատիչը շատ, այնքան լավ: Ընկել են անկապ բաների հետևից` ատամներ ավելացնել, բերանը բացել: Ժամավաճառություն է»,- ասում է Թոքմաջյանը:

Զինանշանը, ըստ քանդակագործի, բարություն պետք է արտացոլի: Նրա կարծիքով` զինանշանի վրա պետք է անպայման խաչ էլ լինի: