Ինչքան «Հ»-երը շատանան, այնքան լավ. Ռուբեն Ջաղինյանը` Հ3-ի մասին

Այսօր Հանրային հեռուստա-ռադիոընկերության խորհրդի նախագահ Ռուբեն Ջաղինյանը, պատասխանելով Yerkir.am-ի այն հարցին` տեղյա՞կ է, արդյոք, որ շուտով «մեծ բումով» հեռուստադաշտ է մտնելու Հ3 անունով հեռուստաընկերություն, պատասխանեց. «Ես միայն ուրախ եմ: Ինչքան «Հ»-երը շատանան, այնքան լավ»:

Մեր հարցին` բայց չէ՞ որ «Հ»-երը չեն շատացել, դեռ քչացել են, որովհետև Հ1-ը դարձել է Առաջին ալիք, Ռուբեն Ջաղինյանի հետ քայլող` Հանրային առաջին ալիքի գործադիր տնօրեն Մարգարիտա Գրիգորյանը պատասխանեց. «Ապրանքանիշն ու ընկերության անունը տարբեր բաներ են»:

Հիշեցնենք, որ Հ3-ը ՕԵԿ-ի, ավելի հստակ՝ ՕԵԿ ղեկավար Արթուր Բաղդասարյանի հեռուտաընկերությունն է: Դա նույն «Երեւան» հեռուստաընկերությունն է, որն, ըստ էության, անվանափոխվել է: