Ռուսաստանը 5 մլն կհատկացնի՝ Տավուշում գյուղատնտեսության զարգացման համար

Ռուսաստանը մտադիր է 5 մլն դոլար հատկացնել Հայաստանին` «Համակողմանի աջակցություն գյուղական շրջանների զարգացմանը. համայնքների կայունության ամրապնդում» նախագծի իրականացման համար: Այդ մասին ասվում է  ՌԴ ԱԳՆ-ի կայքում:

«Նախագիծը նախատեսում է համալիր միջոցառումների անցկացում ՀՀ Տավուշի մարզում` ուղղված շրջանի հավասարակշռված զարգացման ապահովմանը, գյուղատնտեսական աշխատանքներից ստացված եկամուտների աճին, աղքատության կրճատմանը և բնակչության կյանքի որակի բարելավմանը: Նախագծի շահառուների թիվը կհասնի մոտ 62 հազարի: Նախագիծը  կաջակցի Հայաստանի հետ մեր երկրի ռազմավարական գործընկերության հետագա ամրապնդմանը»,- ասվում է ՌԴ ԱԳՆ կայքում հրապարակված հաղորդագրության մեջ: