Հովիկ Աբրահամյանն անդրադարձել է Սերժ Սարգսյանի առաջարկությանը

Երեկ «Արմենպրես»-ի հետ զրույցում նախագահ Սերժ Սարգսյանը, անդրադառնալով քառյակի 12 կետերին, հայտարարել է. «Այս իրավիճակում, ես կարծում եմ, որ ճիշտ կլինի և այդպիսի առաջարկություն ես կառավարությանն արել եմ, որպեսզի նորից անդրադառնան այդ փաստաթղթին, կետ առ կետ քննարկեն այդ փաստաթուղթը և նշեն կոնկրետ այն գործընթացները, որոնցով իրականացնելու են այդ կետերը»:

Լրագրողների հետ զրույցում վարչապետ Հովիկ Աբրահամյանը, խոսելով Սերժ Սարգսյանի երեկվա հայտարության մասին, ասել է. «Մենք գրավոր, մանրակրկիտ պատասխանել ենք 12 կետերին եւ պատրաստակամություն ենք հայտնել քննարկել, եթե անհրաժեշտություն կլինի: Եթե կլինի անհրաժեշտություն, ավելի մանրակրկիտ բացատրություն կտանք»: