Զուրաբյանը մի քանի օր ժամանակ տվեց իշխանություններին

Ազատության հրապարակում շարունակվում է ոչ իշխանական երեք ուժերի հրավիրած հանրահավաքը:

«Ժառանգություն» կուսակցության փոխնախագահ Արմեն Մարտիրոսյանը խոսեց ամբողջական իշխանափոխության մասին:

Իսկ ԲՀԿ խմբակցության քարտուղար Նաիրա Զոհրաբյանն էլ հայտարարեց, որ իշխանության գնացքը գնացել է, իշխանությունները սպառել են իրենց:

Հայաստանն առանց Սերժ Սարգսյանի է պատկերացնում նաեւ ՀԱԿ խմբակցության քարտուղար Արամ Մանուկյանը:

ՀԱԿ խմբակցության ղեկավար Լեւոն Զուրաբյանը եւս խոսեց իշխանափոխության մասին: Նա նախ անդրադարձավ Մարտի 1-ի դեպքերին, հետո հայտարարեց, որ ցնցումներ երկրում եռյակը չի ցանկանում, եւ որ իշխանությունները եռյակի հետ հրապարակային համաձայնության պետք է գան՝սահմանադրական բարեփոխումներից հրաժարվելու եւ իշխանությունը հանձնելու հարցում: Լեւոն Զուրաբյանը մի քանի օր ժամանակ տվեց իշխանություններին եւ հայտարարեց, որ եթե այս առաջարկությունն իշխանությունները չընդունեն, հաջորդ հանրահավաքը «համազգային քաղաքացիական անհնազանդության ալիքով քշելու է իշխանություններին»: