Ազնավուրը կցանկանար դառնալ առաջին 100-ամյա երգող արտիստը

Ֆրանսահայ աշխարհահռչակ  շանսոնյե Շառլ Ազնավուրը Մոսկվայում կայացած մամուլի ասուլիսի ժամանակ նշել է, որ իր երկարակեցության գաղտնիքը ներդաշնակության ամենօրյա փնտրտուքի մեջ է. գրում է ИТАР-ТАСС-ը:

«Ես արդեն երկար տարիներ եմ ապրել և չափից շատ բան չեմ խնդրում ճակատագրից: Բայց կցանկանայի ինքս ինձ ուժ մաղթել, որպեսզի կարողանամ իմ երկրպագուներին «ցտեսություն» ասել 2024-ին և այսպիսով դառնալ առաջին 100-ամյա երգող արտիստը»,- ասել է Ազնավուրը:

Նա նշել է, որ երկարակեության համար պետք է ներդաշնակություն և ներքին  հավասակշռություն գտնել: «Պլաստիկ միջամտությունները դրա համար պարտադիր չեն»,- նշել է նա:

«Ինչպես նաև պետք է քեզ հաշիվ տաս, որ տարիքը որոշ բաներ չի ներում: Երջանկության իմ բաղադրատոմսը ընտանեկան լավ կյանքն է» ,- ասել է Ազնավուրը:

Հիշեցնենք, որ Մոսկվայի «Կրոկուս Սիթի Հոլ» համերգասրահում հոկտեմբերի 3-ին կկայանա Ազնավուրի համերգը` նրա 90-ամյակին նվիրված հոբելյանական համերգային շրջագայության շրջանակներում: