Ֆրանսիան կընդունի Ցեղասպանության հերքումը քրեականացնող օրինագիծ. Կիրո Մանոյան

Ֆրանսիան, այնուամենայնիվ, կընդունի Ցեղասպանության հերքումը քրեականացնող օրենք, սակայն դեռևս սպասում է Եվրադատարանի որոշմանը` կապված Շվեյցարիայում նման իրավանորմը անընդունելի ճանաչելու հետ:

Այս մասին լրագրողների հետ հանդիպման ժամանակ ասաց ՀՅԴ Բյուրոյի Հայ դատի և քաղաքական հարցերի գրասենյակի ղեկավար Կիրո Մանոյանը: Նա նշեց, որ այդ օրինագիծը պետք է համապատասխանեցվի նաև Ֆրանսիայի Սահմանադրությանը, ստանա Սահմանադրական խորհրդի համաձայնությունը, քանի որ անիմաստ է ընդունել օրենք, որը հետագայում կարող է անվավեր կամ հակասահմանադրական ճանաչվել:

Ինչ վերաբերում է Ցեղասպանության 100-ամյա տարելիցին, Կ. Մանոյանն ասաց, որ պետք է ճանաչում պահանջելուց առաջ պահանջել հատուցում և հողերի վերադարձ: «Մեր պատգամը պետք է հստակ ձևակերպենք և փոխանցենք աշխարհին»,- ասաց նա: