Արտեմ Ասատրյանը կշարունակի նախարար աշխատել, եթե…

ՀՀ աշխատանքի և սոցիալական հարցերի նախարարի ժամանակավոր պաշտոնակատար Արտեմ Ասատրյանը համարում է, որ Տիգրան Սարգսյանի հրաժարականի հետ կապված մեկնաբանություններ արդեն հնչել են: Կառավարության նիստից հետո նա լրագրողներին նաեւ ասաց, որ, իր անձնական կարծիքով, հրաժարականը եղել է վարչապետի անձնական որոշումը:

Հարցին' դա կենսաթոշակային բարեփոխումների հե՞տ է կապված եղել, Արտեմ Ասատրյանը պատասխանեց, թե ինքը նման տեղեկություններ չունի:

Նոր կազմավորվելիք կառավարության կազմի մասին նա իր կարծիքը չհայտնեց, իսկ լրագրողների հարցին' անձամբ ինքը ցանկություն ունի՞ շարունակելու պաշտոնավարումը, Արտեմ Ասատրյանը պատասխանեց. «Եթե անհրաժեշտություն առաջանա շարունակելու, կշարունակեմ»:

Թե ի՞նչ էական փոփոխություններ են լինելու կառավարությունում, ինչի մասին ասել էր Սերժ Սարգսյանը, նա պատասխանեց մի արտահայտությամբ. «Դա նախագահի որոշելիքն է»: