Քառյակն այսօր կորոշի` հանրահավաքներն ուժի մե՞ջ են, թե՞ ոչ

ԱԺ-ում այսօր` ժամը 13:00-ին, ոչ իշխանական չորս ուժերը` ՀԱԿ, ԲՀԿ, ՀՅԴ և «Ժառանգություն» խմբակցության պատգամավորները, կրկին հանդիպում ունեն: Yerkir.am-ի հետ զրույցում «Ժառանգություն» խմբակցության ղեկավար Ռուբեն Հակոբյանը նշեց, որ այս անգամ քննարկվելու են վարչապետի հրաժարականը, ինչպես նաև կուտակային օրենքի վերաբերյալ ՍԴ որոշման և դրա արդյունքում առաջացած իրավիճակի հետ կապված անելիքները:

«Մենք միջոցառումներ ունենք, որ չորս ուժերը նախատեսում են իրականացնել,  ժամանակացույցը  պետք է ճշտենք: Քննարկվելու է հանրահավաքների հարցը` կայանալո՞ւ են դրանք, թե՞ ոչ»,- ասաց Ռուբեն Հակոբյանը:

Հարցին` անսպասելի՞ էր իր համար վարչապետի հրաժարականը, Ռուբեն Հակոբյանը հստակ պատասխանեց. «Ոչ, ինձ համար այդ հրաժարականը անսպասելի չէր»: