Մոր փորից անբարոյական ա դուրս եկել. Շմայսի հոխորտանքը

ԱԺ ՀՀԿ պատգամավոր Առաքել Մովսիսյանից լրագրողները հետաքրքրվեցին այսօրվա քվեարկության մասին, երբ Զարուհի Փոստնաջյանը հավաքեց հանրապետական պատգամավորների գրանցման քարտերը:

Հիշեցնենք, որ երբ Զարուհի Փոստանջյանը հանրապետական պատգամավորներին անվանեց «դավաճան», Առաքել Մովսիսյանը նրան անվանեց «փչացած»:

«Երկաթը տաք-տաք են ծեծում: Եես հենց դահլիճում եմ նրա պատասխանը տվել: Ինձ դավաճան անվանողը մոր փորից դեռ չի հելել, բայց եթե կա տենց մեկը, ուրեմն մոր փորից անբարոյական է դուրս եկել»,- ասաց նա:

Ինչ վերաբերում է քարտերը հավաքելուն, Առաքել Մովսիսյանը պատասխանեց. «Ինքը իմ քարտը չի կարա վերցնի, հենց տենց, չի կարա, ու վերջ: Մնացածների քարտերը կարացել ա վերցնի, որովհետև քարտերի տերերը էդ պահին ըտեղ չեն եղել, կռիսի նման մտել ու գողացել ա»:

Լրագրողները հակադարձեցին, որ ՀՀԿ պատգամավոր Աշոտ Աղաբաբյանն էլ հավաքել է ընդդիմադիր պատգամավորների քարտերը: Առաքել Մովսիսյանը նշեց. «Աշոտը իրանց դեմից ա վերցրել: Քարտի տերերը էդ պահին նստած են եղել: Տենց ա հարմար գտել ու վերցրել ա»: