Մարմնավաճառներից մեկը դատի է տվել Կոմայգու աշխատակցին

Համասեռամոլ մարմնավաճառներից մեկը դատի է տվել Կոմայգու աշխատողներից մեկին.  yerkir.am-ի հետ զրույցում նշեց «Մենք» երիտասարդական շարժման փոխնախագահ Սեւան Աղաջանյանը:

Նա տեղեկացրեց, որ այգու աշխատակիցներից մեկը տարածքը մաքրելիս է եղել, իսկ մարմնավաճառներից մեկը պնդել է, որ նա լքի այգին: «Աշխատողը, սակայն, չի ենթարկվել նրանց եւ շարունակել է իր աշխատանքը կատարել, իսկ մարմնավաճառները սկսել են հայհոյել նրան: Դրանից հետո վեճ է ծագել, եւ այգու աշխատակիցը փոցխով հարվածել է նրանցից մեկին»,- ասաց Աղաջանյանը:

Դրանից հետո մարմնավաճառը դատի է տվել աշխատակցին: Մոտ օրերս տեղի կունենա դատական առաջին նիստը:

Yerkir.am-ի հետ զրույցում այգու աշխատողը /անունը չենք նշում/ տեղեկացրեց, որ անհանգստանալու ոչինչ չունի, քանի որ երեկ երկար-բարակ զրուցել են մարմնավաճառի հետ, եւ վերջինս ասել է, որ պահի ազդեցության տակ է նման քայլի դիմել եւ գիտակցում է, որ մեղավորն ինքն է, քանի որ կռիվ ինքն է հրահրել: «Հավանաբար, դատի օրը հետ կվերցնեն հայցադիմումը»,- ասաց մեր զրուցակիցը: