Տեսախցիկներն ու լույսերը կարծես թե «վախեցրել» են Կոմայգու մարմնավաճառներին

Կիրովի անվան մանկական զբոսայգում /Կոմայգի/ դեռ գարնան սկզբին բարեկարգումներ էին իրականացվում: Մինչ այդ մի խումբ երիտասարդներ պայքարում էին` այգին  համասեռամոլ մարմնավաճառներից մաքրելու և երեխաներին տրամադրելու համար:

Yerkir.am-ի հետ զրույցում զբոսայգու նորանշանակ տնօրենը` Ստեփան Մինասյանը, նշեց, որ այգին արդեն լիարժեք լուսավորություն ունի:

«Տեսախցիկներ էլ են տեղադրվել, բայց առաջիկայում ավելացվելու է դրանց քանակը: Հիմա գիշերային ժամերին այգում կանգնող մարմնավաճառների թիվը շատ է քչեցել, մի քանիսն են մնացել»,- ասաց նա:

Հարցին, թե հույս կա՞, որ առաջիկայում ընդհանրապես կազատեն այգին, այգու տնօրենը պատասխանեց. «Այո, հույս կա, որ նրանք գոնե մի քիչ մարդ կգտնվեն ու կտեսնեն, որ այսքան աշխատանք է արվել այգում ու չեն պղծի այգին: Այգին կոչված է մանուկների համար և պետք է ծառայի իր իրական տերերին»:

Այգու հարակից տարածքում բնակվողները մինչ այդ ահազանգում էին նաև, որ առավոտյան այգու մոտով անցնել չի լինում, քանի որ այգին գիշերվանից մնացած հակահիգիենիկ իրերով է լցված լինում: Ստեփանյանը, սակայն, հավաստիացրեց, որ այժմ նման դեպքեր այլևս չեն գրանցվում. «Այգին մաքուր է` թե՛ առավոտյան և թե՛ երեկոյան: Ամեն ինչ հսկվում է»: