ԼՂՀ այցելած և Ադրբեջանի "սև ցուցակում" ընդգրկված Ալ Բանոն համերգ կտա Բաքվում

Դեկտեմբերի 18-ին Բաքվի Crystal Hall-ում տեղի կունենա «Սան Ռեմոյի աստղերը` Բաքվում» համերգը, որին կմասնակցեն իտալացի լեգենդար աստղեր, այն թվում՝ Ալ Բանոն և Տոտո Կուտունիոն. հայտնում է haqqin.az-ը:

Ամենաուշագրավն այն է, որ համերգին մասնակցելու է Ալ Բանոն, ով արդեն երկար ժամանակ է Բաքվի «սև ցուցակում». նա 2010-ին համերգով հանդես է եկել Լեռնային Ղարաբաղում, որից հետո էլ հայտնվել է վերոհիշյալ ցուցակում, իսկ այժմ նրան հրավիրում են Բաքու:

«Ինչպե՞ս կարող են համերգի կազմակերպիչները Բաքու հրավիրել մի երգչի, որի մուտքը երկիր արգելել է Ադրբեջանի ԱԳՆ-ն: Ի՞նչ է դա՝ կազմակերպիչների հիմարությո՞ւն, թե՞ հերթական սադրանք»,- գրում է կայքը: