Լիբանանի հայոց թեմը ընտրեց նոր առաջնորդ

 2013թ. հոկտեմբերի 7-ին, Լիբանանի հայոց թեմի Ազգային երեսփոխանական ժողովը Տ. Շահե եպիսկոպոս Փանոսյանին ընտրել է որպես թեմի նոր առաջնորդ. հայտնում է «Արաքս» շաբաթաթերթը`վկայակոչելով Մեծի Տանն Կիլիկո կաթողիկոսության կայքին:

«Հետաքրքիր է, որ Կաթողիկոսության կայք-էջը ցայժմ լրատվություն չի կատարել նախկին առաջնորդի՝ Տ. Գեղամ արք. Խաչերյանի` անսպասելիորեն պաշտոնից հրաժարվելու եւ հրաժարականի պատճառների մասին, ինչը  ՀՕԴՍ Է ՑՆԴԵՑՆՈՒՄ Անթիլիասի գահակալի` թափանցիկության եւ ժողովրդավարության մասին կատարած ճառերը , եւ Հայ Եկեղեցու առօրյայով ու ճակատագրով հետաքրքրվողների մոտ առաջացնում մեծ հարցական», -գրված է շաբաթաթերթի հաղորդագրության մեջ:

Թերթը նաև հիշեցնում է, որ Լիբանանի հայոց թեմի 51-ամյա  առաջնորդ Տ. Գեղամ արք. Խաչերյանը 2013թ. սեպտեմբերի 10-ին` Ազգային երեսփոխանական ժողովի արտակարգ նիստի ընթացքում ներկայացրել էր իր հրաժարականը: