ԼՂՀ ուսհաստատություններում դադարեցվել են պարապմունքները

Երեկ Արցախի Հանրապետության կրթության եւ գիտության նախարար Սլավա Ասրյանը ստորագրել է հրամանագիր, ըստ որի, հաշվի առնելով հանրակրթական, նախադպրոցական եւ արտադպրոցական ուսումնական հաստատությունների սովորողների շրջանում սուր շնչառական վարակների, մասնավորապես` գրիպով հիվանդացության տարածման միտումները, եւ հիմք ընդունելով առողջապահության նախարարի գրությունը, հանրակրթական, նախադպրոցական եւ արտադպրոցական ուսումնական հաստատություններում մարտի 27-ից մինչեւ ապրիլի 2-ը ներառյալ դադարեցվում են ուսումնական պարապմունքները:

Հիշեցնենք, որ ՀՀ ԿԳ նախարար Արմեն Աշոտյանի հրամանով նույնպես ուսհաստատություններում դադարեցվել են պարապմունքները` մինչև ապրիլի 1-ը: