Խոպանը կա ու կա

Օրեր առաջ Երիտասարդական մետրոյի հարակից գետնանցումը դատարկվել է վերակառուցման նպատակով։ Երևանի քաղաքապետարանը տեղի գրավաճառներին առաջարկել է տեղափոխվել կա'մ «Մալիբու» սրճարանին հարող գետնանցում, կա'մ` Իսահակյան-Մաշտոցի պողոտա գետնանցումում:

Երիտասարդական մետրոյի գետնանցումում շինարարական աշխատանքները սկսվել են. գրավաճառները դեռ չեն տեղափոխվել ոչ մի տեղ, նրանք սպասում են, որ քաղաքապետարանն կկատարի իրենց ցանկությունը: «Ասում են` գնացեք պրոսպեկտի գետնանցում, բայց ընդեղ ուսանողը կգա՞ հասնի: Երկու երեխա ունեմ, ի՞նչ անեմ, գնամ գողություն անե՞մ, որ տուն պահեմ: Գիտե՞ք` ինչքան գրքեր ունեմ. բա դրանք ինչ անեմ: Թե ի՞նչ ա ուզում քաղաքապետարանը սրանով մեզ ցույց տալ, չգիտեմ, բայց վերջին ճարը խոպան գնալն ա լինելու»,- yerkir.am-ի հետ զրույցում ասաց գրավաճառներից մեկը:

Ի դեպ, գրավաճառները ցանկանում են, որ իրենց տրամադրեն կա'մ Հանրապետության հրապարակի շատրվանների հարակից տարածքը, կա'մ էլ` Երիտասարդական մետրոյի մոտ գտնվող վերգետնյա կանաչապատ հատվածը, սակայն քաղաքապետարանը չի համաձայնում: