Րաֆֆի Հովհաննիսյանին են այցելել Լեւոն Զուրաբյանն ու Արամ Մանուկյանը

Այսօր առավոտյան Րաֆֆի Հովհաննիսյանին են այցելել ԱԺ ՀԱԿ խմբակցության ղեկավար Լեւոն Զուրաբյանը եւ խմբակցության քարտուղար Արամ Մանուկյանը:

«Ժառանգություն» կուսակցության վարչության փոխնախագահ Ստեփան Սաֆարյանը հայտնեց, որ ՀԱԿ անդամների այցը քաղաքավարական բնույթի էր:

Րաֆֆի Հովհաննիսյանը եւս մեկ անգամ ներկայացրել է իր դիրքորոշումները եւ հետաքրքրվել, թե ի՞նչ լուծումներ են տեսնում ՀԱԿ-ում:

Սաֆարյանը թեեւ ասաց, որ խոսվել է առաջիկա հնարավոր զարգացումների, այդ թվում` Երեւանի ավագանու ընտրությունների մասին, բայց զրույցը մակերեսային է եղել: «Ասել, թե նրանք տեսնում են լուծումներ, չի կարելի, մակերեսային խոսվեց ամեն ինչից, քաղաքական գործիչների հանդիպում էր»,- հայտարարեց Սաֆարյանը:

Այս պահին Րաֆֆի Հովհաննիսյանի մոտ է ԱԺ ՀՅԴ խմբակցության ղեկավար Արմեն Ռուստամյանը: