Օպերլիազորի խափանման միջոցը մնաց անփոփոխ

ՀՀ վերաքննիչ քրեական դատարանում դռնփակ դատական նիստով ` դատավոր Սևակ Համբարձումյանի նախագահությամբ, կայացավ ոստիկանության Երևան քաղաքի վարչության կենտրոնական բաժնի քրեական հետախուզության բաժանմունքի օպերլիազորներ Խաչիկ Բարխուդարյանի և Արտակ Բարսեղյանի փաստաբան Արայիկ Ալվանդյանի  վերաքննիչ բողոքի քննությունը:

Օպերլիազորները 2012թ դեկտեմբերի 18-ին Կենտրոն-Նորք-Մարաշ վարչական շրջանի ընդհանուր իրավասության դատարանի դատավոր Մխիթար Պապոյանի որոշմամբ կալանավորվել են: Նրանք կասկածվում են ՀՀ քրեական օրենսգրքի 309 հոդվածի 2-րդ մասի հատկանիշներով: Նրանց նկատմամք քրեական գործ է հարուցվել Հայատանի հատուկ քննչական ծառայությունում՝  Երևանի բնակիչ Ռուբեն Հովսեփյանի նկատմամբ ոստիկանությունում բռնություն  կիրառելու համար: 

Փաստաբան Ալվանդյանը դիմել էր դատարան, որպեսզի օպերլիազորների նկատմամբ խափանման միջոց կալանավորումը փոխարինվի ստորագրությամբ չհեռանալու, կամ դատարանը բավարարի գրավի միջնորդությունը: Դատարանը վճռեց Արտակ Բարսեղյանի նկատմամբ կիրառված խափանման միջոցը թողնել անփոփոխ: