Սաստիկ բուքը փակել է մի շարք ճանապարհներ

Տրանսպորտի եւ կապի նախարարությունը տեղեկացնում է, որ հունվարի 8-ին` ժամը 18.00-ի դրությամբ, սաստիկ բքի և տեսանելիության բացակայության պատճառով փակ է Սելիմի լեռնանցքը։

Բքի, անբավարար տեսանելիության ու առատ ձյան պատճառով դժվարանցանելի են Արթիկ-Մանթաշ-Ալագյազ, Թալին-Մարալիկ-Գյումրի, Քուչակ-Ապարան-Սպիտակ, Եղվարդ-Արագյուղ-Հարթավան ճանապարհահատվածները, Կոտայքի և Գեղարքունիքի մարզի ավտոճանապարհները։

Անվտանգ  երթեւեկությունն ապահովելու նպատակով ավտոճանապարհներին  իրականացվում են մաքրման, աղով ու ավազով մշակման աշխատանքներ:  

ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով: