ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Որոշել է մեկնել Հայաստանից

«ՉԻ» տեղեկություններով` Հայաստանում օլիգարխի համարում ունեցող ԱԺ ՀՀԿ-ական պատգամավոր Լեւոն Սարգսյանը` Ալրաղացի Լյովը, առաջիկայում պատրաստվում է լքել հանրապետությունը:

Շրջանառվող խոսակցությունների համաձայն` նա այս օրերին զբաղված է իր ունեցվածքի, մասնավորապես` Հայաստանում եղած անշարժ գույքի վաճառքով: Ավելացնենք, որ վերջերս մենք տեղեկացրել էինք, որ Լեւոն Սարգսյանը տարբեր բանկերից մեծ վարկեր է վերցրել, եւ հիմա որոշակի դժվարություններ են առաջացել այդ պարտքերը փակելու հետ:

Ամենայն հավանականությամբ, Սերժ Սարգսյանն այլեւս դադարել է առաջվա պես սիրել Լեւոն Սարգսյանին, իսկ սա նվազագույնը նշանակում է, որ գալիք խորհրդարանում Ալրաղացի Լյովն այլեւս ներկայացված չի լինի: Ինչ վերաբերում է նրա` Հայաստանը լքելու խոսակցություններին, ապա, մեր տեղեկություններով, նա պատրաստվում է հանգրվանել եվրոպական որեւէ երկրում: