ՀԱՅԿԱԿԱՆ ԺԱՄԱՆԱԿ. Դոզավորված

Երեկ տարածվեց հերթական հրաժարականի մասին տեղեկությունը, որը, սակայն, դեռ պաշտոնապես չի հաստատվել: Իշխանական շրջանակներից արտահոսք եղավ, որ հրաժարական է տվել քրեակատարողական վարչության պետ Հայկ Հարությունյանը:

ՀՀ նախկին ոստիկանապետը, ըստ նույն աղբյուրների, պետք է նշանակվի Գեղարքունիքի մարզպետ:

ՀՀ մի շարք մարզպետների պաշտոնանկությունների շարքում նշվում է նաեւ ԲՀԿ-ական երկու մարզպետների` Գեղարքունիքի մարզպետ Նվեր Պողոսյանի եւ Վայոց ձորի մարզպետ Սերգեյ Բագրատյանի անունները:

Արդարադատության նախարարի մամուլի խոսնակ Կարինե Քալանթարյանը Հայկ Հարությունյանի հրաժարականի լուրը ճշտելու համար առաջարկեց դիմել Սերժ Սարգսյանի խոսնակին: Վերջինս մեր զանգերին չպատասխանեց, փոխարենը ՔԿՎ խոսնակ Գոռ Ղլեչյանը հերքեց լուրը:

Ըստ որոշ տեղեկությունների` հրաժարականների հաջորդ խմբաքանակի մասին հայտարարվելու է մի փոքր ուշ: