Դեբետը, Արաքսը, Սևանա կղզին` շրջանակի մեջ

Հովհաննես Թումանյանի տուն-թանգարանում նոյեմբերի 2-ին կբացվի նոր գեղարվեստական ցուցադրություն:

«Թանգարանում կցուցադրվեն Խ. Աբովյանի անվան պետական մանկավարժական համալսարանի գեղարվեստի ֆակուլտետի գեղանկարի ամբիոնի վարիչ Լեմս Ներսիսյանի նկարները»,- yerkir.am-ին տեղեկացրեց թանգարանի տնօրեն Նարինե Թուխիկյանը:

Նա նշեց նաեւ, որ նկարներում պատկերված են բնության տարբեր տեսարաններ` Դեբետը, Արաքսը, Սևանա կղզին:

«Նրա նկարներում ներդաշնակ են գույները` դեղինի, կապույտի, սպիտակի ու կարմիրի գերակայությամբ»,- ասաց Թուխիկյանը` հավելելով, որ բնությունն իր հարուստ տեսարաններով թանգարանում կհյուրընկալվի մինչև նոյեմբերի 9-ը: