Մեքսիկական 10 խոշոր գետեր վարարել են

Մեքսիկայի հարավարեւելյան Տաբասկո նահանգի 10 խոշոր գետերը վարարել են չդադարող հորդ անձրեւների պատճառով: Փրկարարների տվյալներով` 90 հազար տուժած կա, հեղեղվել է նահանգի 9 շրջան:

Ըստ Reuters-ի` կառավարությունն արդեն միջոցներ է ձեռնարկում աղետի հետեւանքների վերացման ուղղությամբ, սակայն Տաբասկոյի նահանգապետ Անդրես Գրանիեր Մելոն հայտարարել է, որ օգնությունը կբավարարի միայն 20 հազար մարդու:

Ի դեպ, վերջին շաբաթվա ընթացքում Մեքսիկան մեկ այլ աղետի զոհ էլ է դարձել. Խաղաղ օվկիանոսից հարձակում է գործել «Ջովա» փոթորիկը, որը 8 մարդու մահվան պատճառ է դարձել, 6-ը անհայտ կորել են, տուժել են բնակելի տներ, ձեռնարկություններ ցանքատարածոթյուններ: