Իրանը ցանկացած միջոցներով պաշտպանելու է Ասադի վարչակարգը

Իրանի նախագահ Մահմուդ Ահմադինեժադը հայտարարել է, որ Սիրիայի վրա Արեւմուտքի հարձակման դեպքում իր երկիրը «բոլոր միջոցներով» կպաշտպանի Բաշար Ասադի վարչակարգը. տեղեկացնում է արաբական Al-Diyar թերթը:

Հայտարարությունը Ահմադինեժադն արել է Կատարի էմիր շեյխ Համեդ բեն Խալիֆի հետ հանդիպման ժամանակ: Էմիրը փորձել է Իրանի նախագահին համոզել, որ Ասադի վարչակարգը փրկելու ձգտումները լավ բանի չեն հանգեցնի, սակայն` ապարդյուն: Իրանի նախագահն ընդամենը պատասխանել է. «Սիրիայի նկատմամբ Արեւմուտքի ցանկացած ագրեսիա կհանգեցնի այն բանին, որ յուրաքանչուր մահմեդական կկանգնի նրա պաշտպանությանը: Հենց այդպես էլ կվարվի Իրանը»: