|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Սննդամթերքի անվտանգության տեսչական մարմինը Երևանում (Սարյան 33/4) գտնվող պտուղ-բանջարեղենի խանութից նմուշառված մրգերում հայտնաբերել է «դիխլոֆոսի» մնացորդներ։ Տեղեկությունը հայտնում է ՍԱՏՄ–ն։
Օրեր առաջ սոցցանցի օգտատերերից մեկն ահազանգել էր, թե Երևանի կենտրոնում վտանգավոր` «դիխլոֆոս» (դեղ միջատների համար) փչած մրգեր են վաճառում։ ՍԱՏՄ-ից հայտնել էին, որ ահազանգին ընթացք են տվել, ստուգումներ կիրականացվեն։ Ավելի ուշ խանութում վաճառվող մրգերից նմուշներ էին վերցվել։
«Ըստ լաբորատոր փորձաքննության արձանագրության՝ նմուշառված մրգերում հայտնաբերվել են միջատասպան նյութի մնացորդներ»,– հայտնում է ՍԱՏՄ–ն։
Տեսչական մարմինը նաև հայտնում է, որ կարևորելով հանրային առողջության պահպանումը, պտուղ-բանջարեղենի վաճառակետերում կիրականացնի լայնածավալ վերահսկողություն՝ ստուգելով սանիտարահիգիենիկ նորմերի պահպանումը։ Վաճառվող պտուղ-բանջարեղենից նմուշներ կվերցվեն և կներկայացվեն լաբորատոր փորձաքննության՝ մնացորդային նյութերի ուսումնասիրության միջոցով պարզելու, թե արդյոք միջատասպան նյութի կիրառման նման դեպքերը կրկնվում են այլ վաճառակետերում , թե ոչ։
ՍԱՏՄ–ն հորդորում է քաղաքացիներին նման դեպքեր արձանագրելու դեպքում անմիջապես ահազանգել Սննդամթերքի անվտանգության տեսչական մարմնի թեժ գծին՝ 118 հեռախոսահամարով։