Լուսինը 4,36 միլիարդ տարեկան է

Աստղագետները պարզել են, որ Լուսնի իրական տարիքը 4,36 միլիարդ տարի է. տեղեկացնում է Nature ամսագիրը:

Ընդունված վարկածի համաձայն` Լուսինն առաջացել է երիտասարդ Երկրի եւ Թեյա մոլորակի բախման արդյունքում. տիեզերք է դուրս մղվել տաք մատերիայի հսկայական զանգված, որը սառչելով դարձել է ներկայիս Լուսինը։

Գիտնականները երկրի բնական արբանյակի տարիքը պարզելու համար ուսումնասիրել են 1,88 գրամանոց լուսնաքար, որի հնություն պարզվել է երեք մետաղների իզոտոպների համադրության վրա հիմնված թվագրման մեթոդով։ Արդյունքում` հերքվել է մինչ օրս ընդունված այն հիպոթեզը, թե Լուսինը շատ ավելի երկար է սառել, իսկ տարիքը մոտ 100 միլիոն տարի է։