Վարկերն աճում են

Արցախի առեւտրային բանկերում վարկերը զգալիորեն աճել են:

Ըըստ ԼՂՀ-ում գործող առեւտրային բանկերի (մասնաճյուղերի) կողմից ներկայացրած վիճակագրական հաշվետվությունների` այս տարվա հունիսի 1-ի դրությամբ` վարկերը կազմել են 47190.4 մլն դրամ՝ 2010թ. հունիսի 1-ի համեմատ աճելով 48.7 տոկոսով, իսկ նախորդ ամսվա համեմատ` 4.7 տոկոսով:

Վարկերի 0.5 տոկոսը կազմել են բանկերի ժամկետանց վարկերը:

Արտարժույթով տրամադրված վարկերը կազմել են ընդհանուրի 51.9 տոկոսը:

2011թ. հունիսի 1-ի դրությամբ ներգրավված ավանդները կազմել են 40504.9 մլն դրամ՝ 2010թ. հունիսի 1-ի համեմատ աճելով 12.8 տոկոսով, նախորդ ամսվա համեմատ` 5.2 տոկոսով:

Ավանդների 69.1 տոկոսը կազմել են բանկերի ժամկետային ավանդները, 23.2 տոկոսը` ցպահանջ ավանդները, 7.7 տոկոսը` նպատակային ավանդները: