Բոլտը ցանկանում է հանդես գալ "Ման. Յունայթեդում"

Օսլոյում կայացած աթլետիկայի միջազգային ֆեդերացիայի Ադամանդե լիգայի հերթական փուլում 100 և 200 մետր վազքերի աշխարհի ռեկորդակիր, Օլիմպիական խաղերի եռակի չեմպիոն Ուսեին Բոլտը մասնակցել է 200 մետր վազքին և ցույց տվել մրցաշրջանի լավագույն արդյունքը` 19,86 վայրկյան:

Նա ցանկություն է հայտնել իր ուժերը փորձել նաև ֆուտբոլում և հանդես գալ իր սիրելի ակումբում՝ «Մանչեսթեր Յունայթեդում»:

Անվանի մարզիկը նորվեգացի լրագրողների հետ զրույցում ասել է. «Լրջորեն մտածում եմ ֆուտբոլային կարիերա սկսելու մասին, երբ հրաժեշտ կտամ թեթև աթլետիկային: Անկասկած, իմ ցանկությունն է հանդես գալ «Մանչեսթեր Յունայթեդում», քանի որ ֆուտբոլ խաղալու համար ունեմ և' արագություն, և' կարողություններ»: