Ռիո Ֆերդինանդը չի ավարտել իր լավագույն ելույթները "Ման. Յունայթեդում"

Նամանյա Վիդիչի կարծիքով` Ռիո Ֆերդինանդը չի ավարտել իր լավագույն ելույթները «Մանչեսթեր Յունայթեդում».տեղեկացնում է The Telegraph-ը:

«Ռիո Ֆերդինանդը նշանակալի դեր է ունեցել  «Մանչեսթեր Յունայթեդում», թեեւ կենտրոնական պաշտպանի հանդեպ սըր Ալեքս Ֆերգյուսոնի վստահությունն ակնհայտորեն նվազել է:  Ֆերդինանդն այսօր դարձավ 33 տարեկան: Նա հանձնարարություն է ստացել Ֆերգյուսոնից վերանայել իր մոտեցումը պաշտպանությունում, վերջինիս կարծիքով` պաշտպանը  գցել է տեմպը: Անգլիայի նախկին ավագը Ֆաբիո Կապելոյի կողմից ներառված չէ Իսպանիայի և Շվեդիայի դեմ կայանալիք ընկերական հանդիպումներում, սակայն վերադարձել է իր լավագույն տպավորիչ խաղին  «Մանչեսթեր Յունայթեդում»՝ Պրեմիեր լիգայում շաբաթ օրը հաղթանակ տոնելով «Սանդերլանդի» նկատմամբ,- ասել է Վիդիչը:

«Ես տեսնում էի, թե ինչ է կատարվում Ռիոյի հետ վերջին մի քանի շաբաթների ընթացքում: Սա խաղացող է, ով խաղացել է ամենամեծ խաղերն անցած մրցաշրջանում, օգնել է մեզ նվաճել Պրեմիեր լիգայի տիտղոսը, հասնել  Չեմպիոնների լիգայի եզրափակիչ, բայց այնուամենայնիվ, մի վատ խաղից հետո  մարդիկ ասում են նա այլևս այդքան լավը չէ: Ես կարծում եմ, որ նրանք  սխալ են և Ռիոն ապացուցեց դա այսօր: Նա ցույց տվեց կարգ, վճռականություն և իր հնարավորությունների սահմաններում օգնեց նաև խաղընկերներին»,- հավելել է նա:

Վիդիչը կարծում է, որ Ֆերդինանդն անտեղի  քննադատության ենթարկվեց  և չափազանց շուտ է նրա մասին այդպես գրելը: