Բենզինի գործով չի զբաղվում

Իսկ բենզինի մասին ի՞նչ կասեք: Այս հարցին այսօր լրագրողների հետ հանդիպման ժամանակ ԱԺ տնտեսական հարցերի մշտական հանձնաժողովի նախագահ Վարդան այվազյանը պատասխանեց. «Բենզինը թանկացել է, ի՞նչ ասեմ»:

Իսկ այն հարցին, թե ինչպե՞ս կազդի մեր տնտեսության վրա այն, որ Ռուսաստանը դադարեցնում է բենզինը արտահանումը, Վ. Այվազյանը պատասխանեց, թե ծավալային առումով ոչինչ էլ չի փոխվի` բենզին կգնեն ուրիշ երկրներից. «Ինչի՞, որ Ռուսաստանը ցորենի արտահանումը փակել էր, հացի գները ծայրահեղ բարձրացա՞ն»:

Նա նշեց, թե որքան իրեն հայտնի է, Հայաստան վառելիք է ներկրվում Իրաքից, Իրանից, Բուլղարիայից. «Ես բենզինի գործով չեմ զբաղվում, ճիշտն ասած: Ափսոս, չէ՞: Ճայերը` անցավ, կազինոն` անցավ, բենզինի գործն էր մնացել»: