Հայաստանը` բաշկիրցի ընկերոջ աչքերով

Այսօր Ռուսաստանի պետական գրադարանի արեւելյան գրականության կենտրոնում տեղի է ունենալու բաշկիրցի հեղինակ Ռաֆայիլ Զինուրովի «Հայաստան. հազարամյակների ճանապարհ» գրքի առաջին հատորի շնորհանդեսը:

Միջոցառումը համատեղ կազմակերպել են «Ռուս-հայկական համագործակցություն» հասարակական կազմակերպությունը եւ Լոմոնոսովի անվան Մոսկվայի պետական համալսարանի Ասիայի եւ Աֆրիկայի երկրների ինստիտուտը`«Հայաստանը` բարեկամների աչքերով» ծրագրի շրջանակներում:

Գրքի հեղինակը չափածո ներկայացնում է Հայաստանի պատմությունը` հնագույն ժամանակներից մինչեւ մեր օրերը:

Ռաֆայիլ Զինուրովը (գրական անունը` Ուֆայեցի) Բաշկորտոստանի Պետական ժողովի` Կուրուլտայի փոխնախագահն է, իրավաբանական գիտությունների դոկտոր, ՌԴ գրողների միության, ՌԴ նկարիչների միության, ՌԴ ժուռնալիստների միության անդամ, Ռուսաստանի իրավաբանների ասոցիացիայի տարածաշրջանային կառույցի նախագահ, Բաշկորտոստանի Շ. Խուդայբերդինի անվան մրցանակի դափնեկիր: