Ռռոգման ջրի կորուստը 70 տոկոս է

Ջրամբարներից ջուրը գյուղացուն հասցնելու ճանապարհին գրանցվում է ջրի 70 տոկոսի կորուստ: Եվ սրա պատճառը ենթակառուցվածքների ոչ բարվոք վիճակում գտնվելն է: Թեեւ պնդում են, որ գյուղացին գործ չունի ջրի կորուստների հետ, նա վճարում է միայն իր հողամաս մտած ջրի քանակի համար:

Այսօր լրագրողների հետ հանդիպման ժամանակ ՀՀ տարածքային կառավարման նախարարության Ջրային տնտեսության պետական կոմիտեի ԾԻԳ-ի տնօրեն Ադիբեկ Ղազարյանն ասաց, որ գումարներ են հատկացվում այս կորուստները նվազեցնելու ուղղությամբ:

Անցյալ 15 տարիների ընթացքում վերանորոգվել է 15 հազար կմ ներտնտեսային ցանց, իսկ նախորդ ամիս բետոնապատվել է Արմավիրի  43 կիլոմետրանոց ջրանցքը, եւ ջրի կորուստները կկրճատվեն:

Ընդհանուր առմամբ, ըստ Ա. Ղազարյանի, համակարգը արդիականացնելու համար պահանջվում է 1.5 միլիարդ դրամ: