Ձեր նշած ջրի կորուստը Սևանա լճի անխնա օգագործման մեջ է, ոչ թե՝ խորքային հորեր բացել-փակելու․ Արման Ղազարյան

ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովը մարտի 13-ի նիստում երկրորդ ընթերցմամբ քննարկել է «ՀՀ ջրային օրենսգրքում լրացումներ եւ փոփոխություններ կատարելու մասին», «Վարչական իրավախախտումների վերաբերյալ ՀՀ օրենսգրքում լրացումներ և փոփոխություններ կատարելու մասին» և  «ՀՀ քրեական օրենսգրքում լրացումներ կատարելու մասին» օրենքների նախագծերի լրամշակված փաթեթը, որը ներկայացրեց ՀՀ շրջակա միջավայրի նախարարի տեղակալ Տիգրան Գաբրիելյանը:

Հիմնական զեկուցողի խոսքով՝ ակնկալվում է, որ նախագծերի ընդունմամբ կկանխվի ստորերկրյա ջրային ռեսուրսներից ապօրինի ջրօգտագործումը, այդ նպատակով հորատումը կամ լուծարված կամ կոնսերվացված հորատանցքերի վերաբացումը, ջրօգտագործման թույլտվությամբ տրված պայմանների խախտմամբ ջրառ իրականացնելը:

Ինչպես նշվեց քննարկման ժամանակ, օրենքների նախագծերի լրամշակված փաթեթը կնպաստի Սևանա լճի էկոլոգիական հավասարակշռության վիճակի բարելավմանը, լճի և դրա ջրհավաք ավազանի էկոհամակարգերի կենսաբազմազանության պահպանություն և կենսապաշարների կայուն օգտագործման բարելավմանը, սիգի կայուն զանգվածի պահպանմանը, արդյունագործական որսի իրականացմանը:

Մտքերի փոխանակության ընթացքում «Հայաստան» խմբակցության պատգամավոր Արման Ղազարյանը բարձրաձայնեց Սևանա լճի հետ կապված խնդիրները՝ նշելով, որ  շարունակվում է Սևանա լճի ջրային պաշարի անխնա օգտագործումը։

«Ձեր նշած ջրի կորուստը Սևանա լճի անխնա օգագործման մեջ է, ոչ թե՝ խորքային հորեր բացել-փակելու․»,-ասաց պատգամավորը։

Մանրամասն՝ տեսանյութում։