Հանդիպել են վերահսկիչ մարմինների ղեկավարները

Աբու Դաբիում մարտի 29-ից մեկնարկած Բարձրագույն վերահսկիչ մարմինների եվրոպական և արաբական կազմակերպությունների 3-րդ համագումարում  քննարկվել են տնտեսական, սոցիալական բնույթի հարցեր, նաեւ տարածաշրջանային և ազգային ներկայիս մարտահրավերները:

Համագումարին մասնակցել է նաև  ՀՀ վերահսկիչ պալատի նախագահ Իշխան Զաքարյանը: Աշխատանքային  այցի շրջանակներում նա հանդիպումներ է ունեցել Ֆրանսիայի, Իսպանիայի, Ռուսաստանի Դաշնության, Ղազախստանի, Վրաստանի, Թուրքիայի և Միացյալ Արաբական Էմիրությունների վերահսկիչ մարմինների ղեկավարների հետ:

Բարձրագույն վերահսկիչ մարմինների եվրոպական և արաբական կազմակերպությունների 3-րդ համագումարի աշխատանքները կավարտվեն մարտի 31-ին. տեղեկացնում է  ՀՀ վերահսկիչ պալատի լրատվական ծառայությունը: