2-ի փոխարեն 3 մեքենա` Վերահսկիչ պալատին

Հայաստանի Հանրապետության կառավարության 2013 թվականի դեկտեմբերի 5-ի N 1355-Ն որոշմամբ` ՀՀ 2013 թվականի պետական բյուջեի պահուստային ֆոնդից ՀՀ Վերահսկիչ պալատին հատկացրել էր 25 միլիոն դրամ' 2 հատ ավտոմեքենա ձեռք բերելու համար: Սակայն ՀՀ Վերահսկիչ պալատը առաջարկել է նշված գումարի հաշվին ձեռք բերել 3 հատ ավտոմեքենա: Միաժամանակ,  ՀՀ Վերահսկիչ պալատը նախատեսում է իր պահուստային ֆոնդի միջոցների հաշվին ձեռք բերել 12 միլիոն դրամ արժողությամբ ևս մեկ ավտոմեքենա` բանակցային ընթացակարգով' առանց գնման հայտարարությունը նախապես հրապարակելու:

Կառավարությունն այսօր որոշում կայացրեց` թույլատրել ՀՀ Վերահսկիչ պալատին`' ՀՀ 2013 թվականի պետական բյուջեի պահուստային ֆոնդից վերջինիս հատկացված 25 միլիոն   դրամի շրջանակներում ձեռք բերել թվով 3 ավտոմեքենա` նախապես հաստատված 2-ի փոխարեն, ինչպես նաև իր պահուստային ֆոնդի միջոցների հաշվին ձեռք բերվող ատոմեքենայի գնումն իրականացնել բանակցային ընթացակարգով' առանց գնման հայտարարությունը նախապես հրապարակելու: