|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Մարտի 1-ի հանրահավաքի սպասումից իշխանություններն այնքան են սարսափել, որ բանը հասել է նրան, որ արդեն ոչ միայն ՀՀ շարքային քաղաքացիներին են հորդորում, սպառնում, խնդրում չգնալ հանրահավաքների, այլեւ արդեն անգամ «Ղարաբաղ» կոմիտեի անդամներին:
Փետրվարի 25-ին ոստիկանությունից զանգել են «Ղարաբաղ» կոմիտեի անդամ Սամսոն Ղազարյանին եւ բառացիորեն խնդրել են չմասնակցել մարտի 1-ի հանրահավաքին: Ի պատասխան, Սամսոն Ղազարյանն ասել է, թե ինքն այդ օրը թեեւ աշխատանքի է լինելու, սակայն այդ զանգից հետո արդեն սկզբունքորեն մասնակցելու է մարտի 1-ի հանրահավաքին:
Ի դեպ, մեր տեղեկություններով, մարտի 1-ի հանրահավաքին չմասնակցելու «խնդրանքով» իշխանությունները եւ, մասնավորապես, իրավապահները այս օրերին դիմել են ՀԱԿ-ի անդամ մի շարք կուսակցությունների հայտնի դեմքերին, անգամ` ՀՀ առաջին նախագահ Լեւոն Տեր-Պետրոսյանի անձնական թիկնազորի անդամներին: