Փոխարժեքներ
02 10 2024
|
||
---|---|---|
USD | ⚊ | $ 387.11 |
EUR | ⚊ | € 429.3 |
RUB | ⚊ | ₽ 4.14 |
GBP | ⚊ | £ 515.86 |
GEL | ⚊ | ₾ 141.93 |
Այսօր Հունաստանում 24-ժամանոց համընդհանուր գործադուլ է հայտարարվել: Գործադուլավորները բողոքել են կառավարության իրականացրած կոշտ տնտեսական քաղաքականության դեմ: Նրանց անհանգստացնում են ցածր աշխատավարձերն ու կենսաթոշակները, գործազրկությունը, բարձր հարկերը եւ այլն:
Գործադուլի արդյունքում կանթվածահար է եղել երկաթուղային եւ ծովային հաղորդակցությունը, չի աշխատում հասարակական տրանսպորտը: Ավիակարգավարների 4 ժամ տեւած գործադուլի հետեւանքով չի իրականացվել արտասահմանյան եւ տեղական ավիաընկերությունների մոտ 100 չվերթ: Մեկօրյա գործադուլ են հայտարարել նաեւ պետական եւ մասնավոր ԶԼՄ-ների լրագրողները:
Աթենքի փողոցներում ցույցի են դուրս եկել արհմիությունների ակտիվիստներ եւ ընդդիմադիր կուսակցությունների ներկայացուցիչներ: Մի խումբ երիտասարդներ անջատվել են շարքերից եւ քարեր ու պլաստիկ շշեր են շպրտել խորհրդարանը շրջափակած հատուկ ջոկատայինների վրա: Ի պատասխան` ոստիկանությունը կիրառել է արցունքաբեր գազ. տեղեկացնում է «Նովոստի» գործակալությունը: