Պոլսեցի աշխարհասփյուռ հույները դատապարտել են Թուրքիայում եկեղեցիների վրա հարձակումները

Երեկ Կ.Պոլսի Քադըքոյ շրջանում գտնվող հունական Ayia Triada ուղղափառ եկեղեցու պատից ներս ցատկելով՝ երիտասարդն այրել էր եկեղեցու դուռը:

Ըստ Demokrathaber-ի՝ պատմության տարբեր ժամանակաշրջաններում տարբեր պատճառներով ստիպողաբար գաղթած աշխարհասփյուռ հույների միջազգային ֆեդերացիան դատապարտել է կատարվածը:

Այդ մասին համատեղ հայտարարությամբ հանդես եկած հունական կազմակերպությունները հայտնել են, որ այդ եկեղեցու վրա հարձակում է եղել նաև 2008 թվականին:

Նշելով, որ Թուրքիայում, ազգայնամոլությունն ու կրոնամոլությունը նպաստում են նմանատիպ հարձակումներին, կազմակերպությունները պահանջել են դրանց դրդող արտահայտություններն ու տերմիններն անհապաղ հեռացնել դպրոցական դասագրքերից: