Դարձյալ ընդդեմ ԱՊՊԱ-ի

Այսօր Ազգային ժողովում «Ժառանգություն» խմբակցության անդամ Արմեն Մարտիրոսյանը խոսեց հունվարի 1-ից ավտոմեքենաների պարտադիր ապահովագրման (ԱՊՊԱ) օրենքը կիրառելի դառնալու մասին:

Նա նշեց, որ ավոտմեքենաների 24 տոկոսը չի ապահովագրվել, ավելին` դրանք դուրս են բերվել հաշվառումից: Կապված այս հարցի հետ` բազմաթիվ բողոքներ են լինում. սոցիալ-տնտեսական այս ծանր պայմաններում ընդունելի չէ նման օրենքի կիրառումը:

Խմբակցությունն առաջարկեց ԱՊՊԱ-ի մասին օրենքը կիրառությունից հանելու հարցն ընդգրկել օրակարգում: Ստյոպա Սաֆարյանը գործընկերներին կոչ արեց կողմ քվեարկել եւ ընդգծեց, որ քվեարկությունը ոչ թե օրենքը կիրառությունից դուրս բերելուն է վերաբերում, այլ ընդամենը հարցը օրակարգ մտցնելուն:

Ներկա պատգամավորներից 21-ը կողմ քվեարկեց, 64-ը` դեմ, երկուսը ձեռնպահ մնացին: