ՀԱԿ-ը դեռ արտահերթ ընտրությունների հույս ունի

«Երբ մենք խոսում էինք արտահերթ ընտրությունների մասին, եւ դա 2008-ի օգոստոսին դրվեց Կոնգրեսի հռչակագրի հիմքում, մյուս քաղաքական ուժերն ու քաղաքագետները  հայտարարեցին, որ արտահերթ ընտրությունների համար նախադրյալներ չկան»,- այսօր լրագրողների հետ հանդիպման ժամանակ ասաց Հայ ազգային կոնգրեսի համակարգող Լեւոն Զուրաբյանը:

Սակայն, Լ. Զուրաբյանի խոսքերով, այդ նույն քաղաքագետներն ու քաղաքական ուժերի ներկայացուցիչները ներկայումս խոսում են արտահերթ ընտրություններ լինելու հավանականության մասին: Բացի այս` նոր ուժերն էլ խոսում են դրանց անհրաժեշտության մասին:

Խոսքը վերաբերում է ՀՀ նախագահական ընտրություններին:

«Սա նշանակում է, որ մեր ստրատեգիան գործում է: Եթե արտահերթ ընտրություններ պահանջողների սպեկտրը մեծանա, արտահերթ ընտրությունները կդառնան իրականություն»,- նշեց Լ. Զուրաբյանը:

Իսկ հարցին, թե արդյո՞ք կմեծանա այդ սպեկտրը, ՀԱԿ համակարգողն ասաց` մեծանում է: