Երկրաշարժերից Հայաստանին էլ բաժին հասավ

Հունվարի 19-ին 5 բալ եւ ավելի ուժգնությամբ երկրաշարժ է գրանցվել Պակիստանում, Հնդկաստանում, Ինդոնեզիայում, Թուրքիայում, Վրաստանում. էպիկենտրոններում մագնիտուտը գրանցել է 7 բալ ուժգնություն: Քութաիսիից 19 կիլոմետր հարավ գրանցված երկրաշարժը զգացվել է նաեւ Հայաստանում:

«Գյումրիում, Վանաձորում, Ստեփանավանում գրանցվել է 3.4 բալ ուժգնությամբ երկրաշարժ, իսկ Երեւանի հյուսիսային շրջաններում երկրաշարժի ուժգնությունը եղել է 2.4 բալ»,-ԵՐԿԻՐ-ին տեղեկացրեց Ազգայի սեյսմիկ պաշտպանության կենտրոնի պետի տեղակալ Հրաչյա Պողոսյանը: Վերջինս նաեւ հավաստիացրեց, որ զրուցել է Վրաստանի սեյսմիկ կենտրոնի ներկայացուցիչների հետ եւ պարզել, որ երկրաշարժի հետեւանքով եղել է միայն մասնավոր տների վնասներ: