ՌԴ-ում կանխել են 16 միլիոն ռուբլու անօրինական արտահանումը Հայաստան

Միներալնիե Վոդի քաղաքի օդանավակայանի մաքսային ծառայողները կանխել են 16 միլիոն ռուբլու անօրինական արտահանումը Հայաստան։ Ինչպես փոխանցում է ՏԱՍՍ-ը, այս մասին հայատարարել են Ռուսաստանի Դաշնային մաքսային ծառայությունից։

Ըստ հաղորդագրության՝ 29-ամյա ռուս տղամարդը փորձել է մաքսանենգ ճանապարհով անցկացնել գումարը։

Նրա ձեռքի ուղեբեռում տեսուչները հայտնաբերել են 5 պոլիէթիլենային տոպրակ, որոնց մեջ ընդհանուր եղել է 16 միլիոն ռուբլի (220․000 դոլար)։

Երիտասարդը բացատրել է, որ գումարը նախատեսված է եղել Հայաստանում մեքենաներ գնելու համար։

Դրամական միջոցներն առգրավվել և տեղադրվել են իրեղեն ապացույցների պահպանման պահարանում:

Հետաքննությունը շարունակվում է: