Սա քարոզչական տեռոր է, որը տեղի է ունենում պետական մակարդակով․ ի՞նչ է անում Հ1-ը մեր հարկերի հաշվին․ Գոռ Սարգսյան

ՀՅԴ Երևանի Քաղաքային կոմիտեի ներկայացուցիչ Գոռ Սարգսյանը գրում է․

«Հիմա Հ1 եմ նայում, կիրակնօրյա լուրերն են։

Ի՞նչ է կատարվում։

Տարօրինակ դեմքեր, տարօրինակ մարդիկ՝ ահավոր վուլգար, ահավոր անբարոյական ու անպատասխանատու ձևով քննադատում են ընդդիմությանը և ներկայացնում այն որպես պատերազմ բերող ուժ։ Ներկայացնում են, թե ընդդիմությունը չի ուզում Հայաստանի անկախությունը, ներկայացնում են, թե ընդդիմությունը ցանկանում է Հայաստանը դարձնել ռուսական գուբերնիա և նման բաներ…

Լավ, ո՞վ են այս մարդիկ։ Ի՞նչ է անում Հանրային հեռուստաընկերությունը մեր հարկերի հաշվին։ Ինչո՞ւ է Հ1-ը դարձել Նիկոլի սիվիկը։ Այս ամենի համար ո՞վ է պատասխան տալու։

Սա քարոզչական տեռոր է, որը տեղի է ունենում պետական մակարդակով, և ամենավատն այն է, որ՝ մեր հարկերի հաշվին։

Այս տարօրինակ մարդիկ, որոնք այսպես էշ-էշ խոսում են, պետք է իմանան, որ պատասխան են տալու ընդդիմության մասին սուտ ու պիղծ բաներ ասելու համար և որ մասնակցում են մի գործընթացի, որը խորքի մեջ տեռոր է»։