«Աճ» գնաճի հաշվին․ ինչ է իրականում տեղի ունենում գյուղատնտեսությունում

Փաշինյանի կառավարության ներկայացրած գյուղատնտեսական աճի ցուցանիշները, ըստ մասնագետների, չեն արտացոլում ոլորտի իրական վիճակը։

Վերջին հինգ տարիներին ընդհանուր ցանքատարածքները նվազել են մոտ 10 տոկոսով։ Հացահատիկային մշակաբույսերի, ցորենի, բանջարեղենի և կարտոֆիլի ցանքերը կրճատվել են հազարավոր հեկտարներով։

Անասնապահության ոլորտում խոշոր եղջերավոր անասունների գլխաքանակը երեք տարում նվազել է ավելի քան 25 հազարով։

Փորձագիտական շրջանակներում նշում են, որ հաշվարկված «աճը» ձևավորվում է գների բարձրացման արդյունքում։ Գնաճային պայմաններում դրամական շրջանառությունը մեծանում է, սակայն արտադրության ֆիզիկական ծավալները չեն աճում։

Ներքին արտադրության կրճատման ֆոնին աճում է ներմուծումը՝ խորացնելով արտաքին կախվածությունը։