«Տաշիր»-ը Մոսկվայում բացել է ամենախոշոր առևտրի կենտրոններից մեկը

Եկեղեցուն՝ «Մեր ձևով» պաշտպանելու կոչի համար կալանավորված գործարար, բարերար Սամվել Կարապետյանը նոր բիզնես հաջողության մասին է հայտնում:

«Տաշիր»-ը Մոսկվայում բացեց Avenue Sever -ը գերժամանակակից առևտրի և սպասարկման կենտրոն, որտեղ միաժամանակ կարելի է և՛ հաճելի ժամանակ անցկացնել և՛ գնումներ կատարել: 

Չնայած ավելի քան 5 ամսից ավել է՝ Սամվել Կարապետյանը կալանավորված է Հայաստանում՝ «Մեր ձևով» եկեղեցուն պաշտպանելու համար, Ռուսաստանի Դաշնությունում Սամվել Կարապետյանի բիզնես գործունեությունը շարունակում է ընդլայնվել և նվաճել նոր հորիզոններ։

Նոյեմբերի 29-ին, ՌԴ մայրաքաղաք Մոսկվայում տեղի ունեցավ Avenue Sever գերժամանակակից առևտրի կենտրոնի բացման պաշտոնական արարողությունը։

114 000 քառակուսի մետր ունեցող առևտրի կենտրոնում ներկայացված են ՌԴ շուկայում հայտնի բազմաթիվ ապրանքանիշներ, որոնցից շատերը հայտնի են նաև հայ սպառողին՝ Cinema Star կինոթատրոնների ցանց, the Бык ռեստորան, Zarina, Ostin, Спортмастер, SELA և այլ հայտնի ապրանքանիշեր։