Ռուսաստանի եւ Հայաստանի միջեւ դաշինքը սպառել է իրեն

Հիշեցնենք՝ Հայաստանն աննախադեպ քայլի է դիմել՝ ԱՄՆ քաղաքական բեմից հեռացող Բայդենի վարչակազմի հետ ստորագրելով ռազմավարական գործընկերության մասին համաձայնագիր, որն ընդգրկում է մի շարք առանցքային ոլորտներ՝ տնտեսություն (ներառյալ էներգետիկան եւ նորարարությունը), պաշտպանություն, անվտանգություն, ինչպես նաեւ ժողովրդավարւթյան եւ իրավական համակարգի զարգացում: Համագործակցության ուղղություններից մեկը պետք է լիներ սահմանային անվտանգությունը եւ համապատասխան համատեղ հանձնաժողովի ստեղծումը: Բայց Թրամփը չի շտապում Երեւանի հետ նոր հարաբերություններ կառուցել: Ավելին, նրա առաջին հրամանագրերից մեկը վերացրեց USAID-ը՝ պետական կառույց, որն օգտագործվում էր Վաշինգտոնի կողմից որպես «փափուկ ուժի» գործիք աշխարհի տարբեր տարածաշրջաններում, այդ թվում՝ Անդրկովկասում: Ներկայումս ԱՄՆ պետքարտուղարության եւ ԱՄՆ ՄԶԳ-ի կողմից Հայաստանին հատկացվող ողջ օգնությունը սառեցվել է եւ հետաձգվել ամերիկյան պատվիրակությունների այցերը Հայաստան: Ուստի ՀՀ վարչապետի «եվրոպական խաղերն» ընկալվում են ոչ միայն որպես «հարձակում միայն Ռուսաստանի ուղղությամբ»:

Հիմա խնդրի մյուս կողմի մասին: Բանն այն է, որ Եվրասիկան տնտեսական միության հետ համագործակցությունից Հայաստանի համար օգուտների մասին Ռուսաստանի վերլուծական վիճակագրական հաշվարկները չունեն ակնկալվող աշխարհաքաղաքական եւ քաղաքական էֆեկտիվություն: Մոսկվան եւ Երեւանը դեռեւս գործում են միայն ավելի շատ բառերով, իսկ Երեւանում առկա են հակառուսական քաղաքական տրամադրություններ՝ Հայաստանի սուբյեկտայնության նկատելի կորստի իրավիճակում։ Հանելուկը հենց Նիկոլ Փաշինյանի ինքնասպանական գործողությունների իմաստը հասկանալու փնտրտուքն է, որը կարծես գործիքակազմ լինի ինչ-որ ուժերի ձեռքում: Թերեւս ճիշտ են այն փորձագետները, ովքեր կարծում են, որ «Ռուսաստանի եւ Հայաստանի միջեւ դաշինքն իրեն սպառել է, եւ ժամանակն է այդ մասին խոսել անկեղծ եւ ուղիղ»: Եվ դա ռուսական կողմի դիրքորոշումը չէ: Միեւնույն ժամանակ, օբյեկտիվ գնահատելով իրավիճակը, պետք է խոստովանել, որ անհետանում են նաեւ Անդրկովկասում իրավիճակը ուժային սցենարի ուղղությամբ տեղափոխելու հնարավորությունները, թեեւ Բաքվի կողմից Երեւանի վրա քաղաքական հարձակումը խաղաղության պայմանագրի ստորագրման նպատակով կուժեղանա:

Ստանիսլավ Տարասով

Աղբյուրը՝ iarex.ru-ի

Թարգմանությունը՝ Գայանե Մանուկյանի