Կարելի է ջայլամային քաղաքականությանը վերջ տալ. Մելիքյանը՝ ՄԻՊ-ին

Այստեղ կարող էր լինել նաև նախկին ՔՊ-ական Հովիկ Աղազարյանը: Այս մասին լրագրողների հետ զրույցում ասաց «Հինգ  իրավապաշտպանների» նախաձեռնության անդամ, իրավապաշտպան Ռուբեն Մելիքյանը: Նա վստահ է, որ Աղազարյանին պատկանող անձնական ինֆորմացիաները ոմանց հասանելի են դարձել՝ զուտ քաղաքական պատճառներով: 

Լրագրողների դիտարկմանը, թե ՀՀ ՄԻՊ Անահիտ Մանասյանն էլ կարո՞ղ էր իրենց կողքին կանգնած լինել, որն այսօրվա իր ուղերձում հույս էր հայտնել, թե  իր և ՄԻՊ աշխատակազմի ամենօրյա գործունեությունը նպաստում է հասարակության յուրաքանչյուր անդամի իրավունքների պաշտպանությանն ու արժանապատիվ կյանքի իրավունքի երաշխավորմանը, Մելիքյանը պատասխանեց.  

«Երբ նրան հարցնում են, թե ՀՀ-ում կա՞ն քաղբանտարկյալներ, Մանասյանի կողմից պատասխան է հնչում՝ ինձ հայտնի չէ նման դեպք»,- ասաց Մելիքյանն ու հավելեց՝ այդ քաղբանտարկյալները կանգնած են իրենց կողքին: 

«Եկե՛ք ու հետ խոսե՛ք այդ մարդկանց: Ի վերջո կարելի է ջայլամային քաղաքականությանը վերջ տալ»,- շեշտեց նա: 

Մելիքյանը վստահեցրեց՝ քաղբանտարկյալներին նվիրված հուշահամալիրն իր նշանակությանը չի ծառայում:

Մանրամասն՝ տեսանյութում։